Life Word Mission Mongolia

Надад тусалдаг Бурхан

Эзэний өдрийн үг

2024.4.21

Юү Хэүн пастор

Ерөөлтэй хүн 2

Лхагва гарагийн үг

2024.04.17

И Иохан пастор

Есүсийн тооцох арга

Эзэний өдрийн үг

Юү Хэүн пастор

Ерөөлтэй хүн

Лхагва гарагийн үг

И Иохан пастор

Библийн семинар 7

Эзэний өдөр

Лутжаргал пастор

2024.04.07

Христийн дахин амилал ба бид

Лхагва гарагийн үг

И Иохан пастор

"СОНСДОГ" Сургаалт Үгс 1-р бүлэг

1 ¹ Израилийн хаан, Давидын хөвгүүн Соломоны сургаалт үгс оршвой.

Оршил

² Мэргэн ухаан хийгээд сахилгад

 суралцаж,
Ухаарлын үгсийг ухан ойлгох,
³ Ухаалаг хандлага, зөвт шүүлт,

 шударга ёс,
Чигч байхуйн сургамжийг олохын

 тулд,
⁴ Гэнэн нэгэнд хэрсүү ухааныг,
Идэр залууд мэдлэг, хянамгай

 чанарыг өгөхийн тулд
⁵ Мэргэн нь сонсог, мэдлэгээ тэлэг
Ухаалаг нь мэргэн удирдамжийг

 мөн аваг.
⁶ Ингэх нь сургаалт үгс,

 ёгт зүйрлэлүүд,
Мэргэдийн үгс хийгээд

 оньсого таавруудыг нь

ойлгож ухахын тулд ажээ.
⁷ ЭЗЭНээс эмээхүй нь

мэдлэгийн эхэн юм.
Мэргэн ухаан хийгээд

сургамжийг
Мунхгууд л үл тоомсорлодог

ажээ.

Муу нөхрөөс сэрэмжлүүлэхүй

⁸ Эцгийнхээ сургамжийг сонс,

хүү минь
Эхийнхээ хууль зааврыг

бүү эсэргүүц.
⁹ Эдгээр нь толгойд чинь

чамин хэлхээ,
хүзүүний чинь чимэг зүүлт.
¹⁰ Нүгэлтнүүд чамайг уруу татваас
бүү аялд хүү минь,
¹¹ Хэрэв тэд:
“Явъя хамтдаа, цус урсгахаар

гэтэн хүлээе
Гэмгүй нэгнийг

шалтаггүйгээр отъё
¹² Амьдаар нь тэднийг

Үхэгсдийн орон шиг,
Нүх уруу одогсод мэт тэднийг

бүтнээр нь залгицгаая.
¹³ Олон төрлийн

үнэт эрдэнэс олдоно.
Олз юугаар орон гэрээ

дүүргэх болно.
¹⁴ Бидэнтэй хамт шавга хая
Бид бүгд хувь хөрөнгө авна” гэвэл
¹⁵ Хүү минь, тэдний замаар бүү алх,
Хөлөө тэдний жимээс татагтун.
¹⁶ Тэдний хөл ёрын муу тийш

харайж
Тэд цус урсгах гэж яардаг юм.
¹⁷ Шувуунд хүртэл харж байхад нь
Урхи тор тавих нь талаар атал
¹⁸ Цус юугаа тэд урсгах гэж

гэтэх юм!
Амь юугаа алдах гэж отох юм!
¹⁹ Олзонд шунагчийн зам

ийм агаад
Олсон эд нь эзнийнхээ амийг

бүрэлгэмүй.

Мэргэн ухааны дуудалга

²⁰ Гудманд ч мэргэн ухаан хашхирч,
Талбайд ч өндөр дуугаар дуугарч,
²¹ Олон хөлийн газар ч орилж,
Хотын гулдан хаалганы үүдэнд ч бас

үгсээ тэр өгүүлрүүн:
²² “Гэнэнчүүд ээ та нар

хэдий болтол
Гэнэдэл мунхаглалаа хайрлах вэ?
Хэр удаан, басамжлагсад

басамжлалаа бахдаж,
Мунхагууд мэдлэгийг

үзэн ядах вэ?
²³ Гэсгээлтэд минь эргэн ханд
Тэгвэл, би сүнсээ та нар дээр

бялхуулна,
Үгээ би та нарт мэдүүлнэ.
²⁴ Дуудахад минь та нар

үл хэрэгссэн
Даллан сунгах гарыг минь

хэн ч эс анхаарсан тул
²⁵ Зөвлөгөөг минь та нар үл ойшоон
Гэсгээлтийг минь ч эс хүссэн учир
²⁶ Гай гамшиг дээр чинь би инээнэ
Айдас нөмрөхөд чинь би элэглэнэ,
²⁷ Айдас та нар дээр

шуурга мэт ирэхэд ч
Гай гамшиг та нарыг

хуй мэт нөмрөх үед ч
Зовлон шаналан ба гай тотгор
та нар дээр буух цагт ч

тийн хандана.
²⁸ Тэгээд тэд намайг дуудна,
Би эс хариулна.
Тэд намайг хичээнгүйлэн хайна,
Би эс олдоно.
²⁹ Учир нь тэд мэдлэг юугий минь

үзэн ядсан,
ЭЗЭНээс эмээхүйг эс сонгосон,
³⁰ Зөвлөгөөг минь тэд

хүлээж аваагүй,
Зэмлэлийг минь тэд хайхраагүй,
³¹ Замналынхаа үр жимсийг

тэгэхээр идэх л болж,
Сэдсэндээ бас цадах л болж.
³² Гэнэн хүн эргэж шарвах агаад

үүндээ үхмүй
Мулгуу нэгэн хэнэггүй бөгөөд

түүндээ сөнөмүй.
³³ Аюулгүй байх болно, харин

намайг сонсогч нь
Айдас хүйдэсгүйгээр аж төрөх

болно.”

"СОНСДОГ" Сургаалт Үгс 2-р бүлэг

Мэргэн ухааны үнэ цэнэ

2 ¹ Хүү минь, үгсийг минь хүлээн авч,
Тушаалуудыг минь

дотроо нандигнаваас,
² Мэргэн ухаанд чих тавьж,
Ухаан бодролд зүрхээ зүглүүлвээс,
³ Ухаарлыг чи чангаар дуудаж,
Ухаарал ойлголтын төлөө

дуугаа өндөрсгөвөөс,
⁴ Цалин цагаан мөнгө мэт

үүнийг эрж,
Нууц эрдэнэ мэт

түүнийг хайваас
⁵ ЭЗЭНээс эмээхүйг чи ойлгоно
Бурханы мэдлэгийг олж авна.
⁶ Мэргэн ухааныг ЭЗЭН

Өөрөө өгдөг
Мэдлэг ба ухаан бодрол

Түүний амнаас гардаг
⁷ Чигч шударгаар замнагчдад

саруул ухааныг нөөцөлж
Өөлөх гэмгүй явагчдад
Тэрээр бамбай болмуй
⁸ Шударга ёсны харгуйг

Тэр хамгаалж,
Бишрэлтнүүдийнхээ замыг

хадгалмуй.
⁹ Тэгвэл зөвт байдал, шударга цаазыг

чи ухаарна
Чигч байдал, сайн зам бүрийг

ойлгоно
¹⁰ Ингэвээс зүрхэнд чинь

мэргэн ухаан орж,
Санаа сэтгэлд чинь

мэдлэг тааламжтай байна.
¹¹ Хянамгай чанар

чамайг сэргийлнэ,
Ухаан бодрол чамайг хамгаална.
¹² Энэ нь чамайг хорон муугийн

замаас ч
Хоосон гаж яригчаас ч
¹³ Харанхуйн замаар явах гэж
Шулуун харгуйг орхигсдоос ч

¹⁴ Ёсгүй мууг хийдгээрээ

бахархагчдаас ч,
Ёрын гажсанд баясагчдаас ч
¹⁵ Муруй замтай хүмүүсээс ч
Буцдаг жимтэй хүмүүсээс ч
хамгаалах болно.
¹⁶ Сайхан уярам үгтэй

хөндлөнгийн эм буюу
Садар эмээс ч тэр

салган аврах билээ.
¹⁷ Идэр насныхаа ханийг орхиж дээ,

энэ эм,
Эзэн Бурханыхаа гэрээг ч

бас умартжээ
¹⁸ Орон гэр нь үхэл уруу хэлбийжээ
Одох жим нь Үхэгсдийн орон ажээ.
¹⁹ Тэр эм уруу явагсад эргэж үл ирнэ
Тэд амийн харгуйг ахиж эс олно.
²⁰ Иймээс сайн замаар яв
Тиймээс зөвтийн харгуйг сахь.
²¹ Чигч шударга хүмүүс

газар дээр амьдарч
Гэм зэмгүй нь тэнд үлдмой.
²² Буруутууд газраас таслагдаж
Бачит хүмүүс тэндээс арчигдмой.

"СОНСДОГ" Сургаалт Үгс 3-р бүлэг

Эзэнд итгэ, хүндэтгэ

3 ¹ Хүү минь, хууль зааврыг минь

бүү март
Тушаалыг минь зүрхэндээ сахь
² Амьдралын чинь хоног жилийн

урт
Амар тайвныг эд л чамд нэмнэ.
³ Энэрэл хайр ба үнэн
чамаас бүү салаг
Энэнийг хүзүүгээрээ ороож,

зүрхнийхээ самбарт бичвэл
⁴ Бурханы болоод

хүмүүсийн нүднээ

Таалал хийгээд сайн нэрийг

чи олно.
⁵ Бүх зүрхээрээ ЭЗЭНд итгэ
Бүү түшиглэ,

өөрийнхөө ойлголтод.
⁶ Түүнийг мэдэхэд

зам бүхэн чинь байг
Тэрээр зам харгуйг чинь

шулуутгана.
⁷ Өөрийнхөө нүдэнд бүү мэргэн бол
ЭЗЭНээс эмээ, ёрын муугаас эргэ.
⁸ Энэ нь маханд чинь эм,
Ясанд чинь шим болно.
⁹ ЭЗЭНээ эдээрээ болоод
Бүтээгдэхүүнийхээ дээжээр

алдаршуул
¹⁰ Тэгвэл агуулах чинь

арвинаар дүүрнэ
Ингэвэл торхнууд чинь

дарсаар бялхана.
¹¹ ЭЗЭНий сахилгыг бүү жигш,
гэсгээлийг нь бүү зэвүүрх,

хүү минь
¹² Хүүгээ таалан хайрладаг

эцэг хүний адил
Хайрладаг хүнээ ЭЗЭН

шийтгэдэг юм шүү.

Жинхэнэ баялаг

¹³ Мэргэн ухааныг олдог хүн,
Ухаан бодролыг өөрийн болгодог

хүн ерөөлтэй еэ
¹⁴ Ашиг нь мөнгөнийхөөс ч илүү
Орлого нь алтныхаас ч илүү.
¹⁵ Энэ нь эрдэнэсээс илүү нандин
Тэр нь хүсэл татагч юутай ч

зүйрлэшгүй.
¹⁶ Түүний баруун гарт нь

урт удаан амьдрал
Үүний зүүн гарт нь баялаг,

алдар суу бий.
¹⁷ Түүний зам нь тааламжит
Бүх жим нь амар тайван.

¹⁸ Түүнээс зуурагсдад тэр нь

амийн мод
Түүнийг даруй барьж авагсад

ерөөлтэй.

Мэргэн ухааны бүтээл

¹⁹ Мэргэн ухаанаар

газрыг ЭЗЭН суурилуулж,
Мэдлэг ухаанаар

тэнгэрсийг тогтоожээ
²⁰ Мэдлэгээр нь оёоргүй гүн нээгдэж,

үүлс шүүдэр цавдмуй.

Жинхэнэ хамгаалал

²¹ Хүү минь, саруул ухаан хийгээд

хянамгай чанарыг сахиж,
Энэ бүхнийг нүднээсээ

бүү салга
²² Тэгэх аваас ахуй биед чинь амь,
Хүзүүнд чинь гоёл болно, эдгээр нь.
²³ Замаараа чи аюулгүй алхах агаад
Хөл чинь бүдрэхгүй.
²⁴ Хажуулах үедээ чи үл айх
Хэвтэх үедээ ч зүүд нойр чинь

сайхан байх.
²⁵ Гэнэтийн аймшгаас ч тэр
Гэм буруутнуудыг цохих

хөнөөлөөс ч бүү ай
²⁶ ЭЗЭН чамд эр зориг болж
Хөлийг чинь занганд баригдахаас

хамгаална.
²⁷ Хийх хүч гарт чинь байх аваас
Хүртвэл зохих хүмүүст нь

сайныг өгөхөөс бүү татгалз.
²⁸ Өөрт чинь байх аваас
Хөршдөө “Яв, дараа ир
Маргааш би өгье” гэж бүү хэл!
²⁹ Хажууд чинь амгалан амьдарч

байхад нь
Хөршийнхөө эсрэг хорон мууг

бүү сэд!
³⁰ Хүн чамд хор учруулаагүй аваас

Шалтгаангүйгээр түүнтэй

бүү маргалд!
³¹ Хүчирхийлэгч хүнд бүү атаарх!
Ямар ч замыг нь бүү сонго!
³² Бусармаг нэгэн нь

ЭЗЭНд жигшил
Чигч шударга нэгэнтэй

Түүний андлал.
³³ Буруутын гэр дээр

ЭЗЭНий хараал буух
Зөвтийн оромжин дээр

Түүний ерөөл орших.
³⁴ Тохуурхагчдыг Тэр

тохуурхдаг атлаа
Дарууд нигүүлсэл үзүүлдэг.
³⁵ Мэргэд алдар нэрийг өвлөх атал
Мулгуучууд ичгүүрийг овоолох.

"СОНСДОГ" Сургаалт Үгс 4-р бүлэг

Эцгийн сургамж

4 ¹ Эцгийнхээ сургамжийг сонс,

хөвгүүд минь
Ухаарлаас суралцахын тулд

анхаар
² Сайн сургамжийг чамд өгөх тул
Хууль зааврыг минь бүү орхи
³ Эцэгтээ хүү нь, эхдээ энхрий ганц

үр нь байхад минь
⁴ Тэр надад сургахдаа:
“Үгийг минь зүрхэндээ хадгал
Тушаалуудыг минь сахиж чи

амьдар.
⁵ Мэргэн ухааныг, ухаарлыг олж ав
Амнаас минь гарсан үгнээс бүү

эргэ, бүү март!
⁶ Мэргэн ухааныг бүү огоор
Тэр чамайг хамгаална.
Түүнийг хайрла
Тэр чамайг сэргийлнэ.
⁷ Мэргэн ухааныг ол
Олсон бүхнээсээ
Ухааран ойлгохуйг ол
Энэ нь мэргэн ухааны эхлэл.
⁸ Мэргэн ухааныг өндөрт үнэл,
Тэр чамайг өргөмжилнө
Түүнийг тэвэр, тэр

чамайг алдаршуулна.
⁹ Тэргүүн дээр чинь

нигүүлслийн хэлхээ тавина
Тэрээр гоо үзэсгэлэнгийн

титмийг чамд өргөн барина”

гэж хэлсэн.

Зөвийн замыг сахь

¹⁰ Хүү минь, сонс,
Хэлж байгааг минь хүлээн ав
Амьдралын чинь он жилүүд

нэмэгдэх болно.
¹¹ Би чамд мэргэн ухааны

замыг заалаа.
Би чамайг шулуун жимээр

удирдлаа.
¹² Алхах үедээ алхаа чинь саатахгүй.
Гүйх аваас чи бүдрэхгүй.
¹³ Сургамжаас зууран барь
Алдаж үл болно.
Түүнийг хамгаал,
Тэр нь амь чинь мөн.
¹⁴ Буруутын жимээр бүү яв
Мууг үйлдэгчийн замаар бүү алх.
¹⁵ Түүнээс зайлсхий
Түүн дээгүүр гарах ч хэрэггүй
Түүнээс эргэн

хажуугаар нь өнгөр.
¹⁶ Ёрын мууг үйлдээгүй цагтаа тэд

нойрсож үл чадна.
Бүдрүүлж унагаагүй цагт

нойр нь хулжина.
¹⁷ Тэд гэм буруугийн талхыг идэж,
Хүчирхийллийн дарснаас

ууцгаадаг.
¹⁸ Зөвт хүмүүсийн жим

үүрийн цагаан гэгээ
Зугуухан тодрох гэгээ нь

өдрийг дүүрэн авчирна.
¹⁹ Буруутын зам нь

харанхуй мэт буюу
Юунд бүдэрч яваагаа

тэд үл мэднэ.
²⁰ Үгийг минь анхаар, хүү минь
Хэлэхийг минь чих тавин сонс,

үр минь
²¹ Үүнийг хараанаасаа алдаж

үл болно
Түүнийг өр зүрхэндээ хадгалж яв.
²² Энэ нь олсон нэгэнд нь амь.
Тэр нь бие махбодод нь эдгэрэл.
²³ Зүрх юугаан урьтан хамгаал
Амийн булгууд түүнээс ундарюу.
²⁴ Мэхлэгч ам
Хуурмаг уруул хол байг, чамаас.
²⁵ Нүд чинь цэх хараг
Харц чинь эгц байг.
²⁶ Хөл доорх замаа дэнсэл.
Зам бүхэн чинь дайвшгүй байг.
²⁷ Зүүн, баруун тийш бүү гуйв,
Хөл чинь ёрын муугаас

зайлж яваг.